Ein god barndom varer heile livet. SV meiner at sterke fellesarenaer gir barna dei beste sjansane for å lykkast vidare i livet, og vi har derfor kjempa fram eit kutt i maksprisen på barnehage som gjer at enda fleire kan gå i barnehagen. No, frå 1. august, er barnehagen 800 kr billigare for småbarnsforeldra våre.
Vi er i ei tid med trang økonomi, og vi veit at det er småbarnsfamiliar som slit med å betale rekningane sine. SV ønska å gjere barnehagen heilt gratis, men Arbeidarpartiet ønska ikkje å vere med på dette. Priskuttet er likevel eit steg i riktig retning, som sparer småbarnsfamiliane for nesten 10 000 kr i året. I tillegg har vi fått gjennom tidlegare at barnehagen allereie er gratis i Nord-Troms og Finnmark.
SV vil ha ein barnehage som gir alle barn like moglegheiter og som bidrar til å utjamne sosiale forskjellar, uavhengig av inntekta til foreldra. Billigare barnehage frigjer midlar som foreldra kan bruke til å få ein meir stabil økonomi, og gi moglegheit til å ta ungane med på aktivitetar og kjøpe det utstyret dei treng.
Reduserte barnehageprisar blir støtta av fleirtalet i befolkninga. Ei undersøking Respons Analyse har gjennomført for SV viser at 55% er einige i at barnehagen burde vere gratis, mens berre 27% er ueinige. SV vil halde fram å kjempe for at barnehagen skal vere gratis i heile landet.
SV vil prioritere tiltak som styrker kvaliteten i barnehagen og som gir alle barn moglegheit til å gå i barnehage. Barn som skal utforske og få veiledning i lek og læring, og som skal vokse og utvikle seg sammen med andre, trenger stabile voksne rundt seg med kompetanse og forståelse for barns behov.
Da er det viktig at det er nok vaksne på jobb. I revidert nasjonalbudsjett har vi også fått gjennomslag for 200 millionar som skal gå til å styrke bemanninga i barnehagane. Vi vil halde fram med å jobbe for betre vilkår for dei tilsette i barnehagane og å auke bemanninga.
Om høgresida vinn valet, vil dei auke barnehageprisen tilbake til 3.000 kr i månaden. Samanlikna med barnehageprisen vi får no, vil småbarnsfamiliane få ei ekstra rekning på 20.000 kr i året.
SV vil heller bruke pengane på å trygge kvardagsøkonomien til folk og redusere dei økonomiske skilnadene. Røyst SV i stortingsvalet i haust!