Avsløringane i Aftenposten om at oljefondet har investert i det selskapet som vedlikeheld dei F16-flya og Apachehelikoptra som bombar sivilbefolkninga på Gaza gjorde meg kvalm. Dette er direkte støtte til Israels folkmord på palestinarane. Uansett kor mykje det er å tene, desse pengane treng vi ikkje.
av Pål Julius Skogholt, førstekandidat Troms SV
SV har lenge argumentert for at oljefondet må ut av Israel, desse argumenta er blitt uendeleg mykje sterkare. Vi kan ikkje akseptere at våre pengar skal gå til å understøtte Israels krig. I vår stemte Stortinget over fleire ulike forslag om å trekke oljefondet ut av investeringar i Israel. Arbeidarpartiet, Høgre og Framstegspartiet stemte mot alle forslaga.
Konsekvensen er at vi saman eig verdiar for mange hundre millionar i Bet Shemesh Engines Holding. Eit selskap som direkte legg grunnlaget for drap på barn og sivile i Gaza gjennom å vedlikehalde israelske bombefly.
SVs krav ligg fast, oljefondet må ut av alle investeringar i Israel og investeringar i selskap som støttar opp under Israels krigføring. Churchill sa ein gong om USA at det var eit land som gjorde det rette etter at alle andre ting var prøvd. No er vår utfordring – særleg til Arbeidarpartiet – om å endeleg velje å gjere det rette.
Då Russland gjekk til åtak på Ukraina vart det umiddelbart innført sanksjonar frå Noreg. Når Israel går til åtak på Palestina ein stat Noreg har anerkjent, så må dei norske reaksjonane vere minstt like strenge.
Oljefondet ut av Israel no!